ਤੁਹਾਡਾ ਗੈਸ ਮੀਟਰ ਤੁਹਾਡੀ ਪ੍ਰਾਪਰਟੀ 'ਤੇ ਵਰਤੀ ਗਈ ਗੈਸ ਦੀ ਮਾਤਰਾ ਨੂੰ ਰਿਕਾਰਡ ਕਰਦਾ ਹੈ। ਸਾਡੇ ਮੀਟਰ ਰੀਡਰ ਹਰ ਦੋ ਮਹੀਨਿਆਂ ਬਾਅਦ ਗੈਸ ਮੀਟਰਾਂ ਦੀ ਰੀਡਿੰਗ ਲੈਂਦੇ ਹਨ। ਇਹ ਰੀਡਿੰਗ ਤੁਹਾਡੇ ਰਿਟੇਲਰ ਨੂੰ ਭੇਜੀ ਜਾਂਦੀ ਹੈ, ਜੋ ਤੁਹਾਨੂੰ ਇਸੇ ਵਰਤੋਂ ਦੇ ਅੰਕੜਿਆਂ ਦੇ ਅਧਾਰ 'ਤੇ ਬਿੱਲ ਭੇਜਦਾ ਹੈ।
ਇਹ ਤੁਹਾਡੇ ਗੈਸ ਬਿੱਲ ਨੂੰ ਕਿਵੇਂ ਪ੍ਰਭਾਵਿਤ ਕਰਦਾ ਹੈ
ਜੇਕਰ ਮੀਟਰ ਰੀਡਰ ਸੁਰੱਖਿਅਤ ਤਰੀਕੇ ਨਾਲ ਤੁਹਾਡੇ ਗੈਸ ਮੀਟਰ ਤੱਕ ਨਹੀਂ ਪਹੁੰਚ ਸਕਦੇ, ਤਾਂ ਉਹ ਤੁਹਾਡੇ ਗੈਸ ਰਿਟੇਲਰ ਨੂੰ ਸਹੀ ਰੀਡਿੰਗ ਨਹੀਂ ਭੇਜ ਸਕਣਗੇ। ਇਸਦੀ ਬਜਾਏ, ਤੁਹਾਡਾ ਰਿਟੇਲਰ ਅੰਦਾਜ਼ਾ ਲਗਾਏਗਾ ਕਿ ਤੁਸੀਂ ਕਿੰਨੀ ਗੈਸ ਵਰਤੀ ਹੈ।
ਇਹ ਤੁਹਾਡੇ ਬਿੱਲ ਨੂੰ ਦੋ ਤਰੀਕਿਆਂ ਨਾਲ ਪ੍ਰਭਾਵਿਤ ਕਰ ਸਕਦਾ ਹੈ:
- ਅੰਦਾਜ਼ਨ ਰੀਡਿੰਗ ਤੁਹਾਡੀ ਅਸਲ ਵਰਤੋਂ ਨਾਲੋਂ ਵੱਧ ਹੋ ਸਕਦੀ ਹੈ, ਜਿਸ ਕਾਰਨ ਤੁਹਾਡਾ ਬਿੱਲ ਜ਼ਿਆਦਾ ਆ ਸਕਦਾ ਹੈ।
- ਅੰਦਾਜ਼ਨ ਰੀਡਿੰਗ ਤੁਹਾਡੀ ਅਸਲ ਵਰਤੋਂ ਨਾਲੋਂ ਘੱਟ ਹੋ ਸਕਦੀ ਹੈ। ਜਦੋਂ ਤੁਹਾਡੇ ਮੀਟਰ ਦੀ ਦੁਬਾਰਾ ਰੀਡਿੰਗ ਲਈ ਜਾਵੇਗੀ, ਤਾਂ ਤੁਹਾਡੇ ਤੋਂ ਪਿਛਲੇ ਬਿੱਲਾਂ ਅਤੇ ਉਸ ਬਿਲਿੰਗ ਮਿਆਦ ਦੀ ਅਸਲ ਵਰਤੋਂ ਦੇ ਵਿਚਕਾਰਲੇ ਫ਼ਰਕ ਦਾ ਪੈਸਾ ਵਸੂਲਿਆ ਜਾਵੇਗਾ।
ਅਜਿਹਾ ਅਕਸਰ ਉਦੋਂ ਹੁੰਦਾ ਹੈ ਜਦੋਂ ਲੋਕਾਂ ਨੂੰ ਅਚਾਨਕ ਬਹੁਤ ਵੱਡਾ ਬਿੱਲ ਮਿਲਦਾ ਹੈ, ਜੋ ਕਿ ਵਰਤੋਂ ਦੇ ਸੁਭਾਅ ਵਿੱਚ ਬਿਨਾਂ ਕਿਸੇ ਸਪਸ਼ਟ ਬਦਲਾਅ ਦੇ ਵੀ ਪਿਛਲੇ ਬਿੱਲਾਂ ਨਾਲੋਂ ਕਾਫ਼ੀ ਜ਼ਿਆਦਾ ਹੁੰਦਾ ਹੈ।
ਜੇਕਰ ਤੁਸੀਂ ਆਪਣੀ ਗੈਸ ਦੀ ਵਰਤੋਂ ਵਿੱਚ ਬਦਲਾਅ ਕੀਤਾ ਹੈ - ਖ਼ਾਸ ਕਰਕੇ ਜੇਕਰ ਬਹੁਤ ਠੰਢ ਹੈ - ਜਾਂ ਜੇਕਰ ਤੁਸੀਂ ਘੱਟ ਗੈਸ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਇੱਕ ਅੰਦਾਜ਼ਨ ਰੀਡਿੰਗ ਇਸਨੂੰ ਸਹੀ ਤਰ੍ਹਾਂ ਨਹੀਂ ਦਰਸਾ ਸਕਦੀ।
ਸੀਂ ਇਸਦਾ ਪ੍ਰਬੰਧਨ ਕਿਵੇਂ ਕਰ ਸਕਦੇ ਹੋ?
1. ਆਪਣੀ ਨਿਰਧਾਰਤ ਰੀਡਿੰਗ ਮਿਤੀ ਦੌਰਾਨ ਆਪਣੇ ਗੈਸ ਮੀਟਰ ਤੱਕ ਸੁਰੱਖਿਅਤ ਅਤੇ ਸਾਫ਼ ਰਸਤਾ ਦਿਓ
ਤੁਸੀਂ ਆਪਣੇ ਅਗਲੇ ਗੈਸ ਮੀਟਰ ਦੀ ਰੀਡਿੰਗ ਦੀ ਮਿਤੀ ਆਪਣੇ ਗੈਸ ਬਿੱਲ 'ਤੇ ਦੇਖ ਸਕਦੇ ਹੋ। ਜ਼ਿਆਦਾਤਰ ਗੈਸ ਮੀਟਰ ਬਾਹਰ ਹੁੰਦੇ ਹਨ, ਆਮ ਤੌਰ 'ਤੇ ਤੁਹਾਡੇ ਘਰ ਦੇ ਕੋਨੇ 'ਤੇ, ਜਿੱਥੇ ਆਸਾਨ ਪਹੁੰਚ ਅਤੇ ਹਵਾਦਾਰੀ ਹੁੰਦੀ ਹੈ।
ਮੀਟਰ ਰੀਡਿੰਗ ਦੀ ਮਿਆਦ ਦੇ ਦੌਰਾਨ, ਕਿਰਪਾ ਕਰਕੇ ਇਹ ਯਕੀਨੀ ਬਣਾਓ ਕਿ:
- ਸਾਰੇ ਪਾਲਤੂ ਜਾਨਵਰਾਂ ਨੂੰ ਬੰਨ੍ਹ ਕੇ ਰੱਖਿਆ ਗਿਆ ਹੋਵੇ
- ਮੀਟਰ ਦੇ ਉੱਪਰ ਜਾਂ ਆਲੇ-ਦੁਆਲੇ ਕੋਈ ਸੰਘਣੀ ਬਨਸਪਤੀ (ਝਾੜੀਆਂ) ਜਾਂ ਕੀੜੇ-ਮਕੌੜੇ ਨਾ ਹੋਣ ਜੋ ਰਸਤਾ ਰੋਕਦੇ ਹੋਣ
- ਮੀਟਰ ਤੱਕ ਪਹੁੰਚਣ ਵਿੱਚ ਰੁਕਾਵਟ ਪਾਉਣ ਵਾਲਾ ਕੋਈ ਜੰਦਰਾ ਨਾ ਲੱਗਿਆ ਹੋਵੇ
- ਮੀਟਰ ਤੱਕ ਜਾਣ ਵਾਲੇ ਰਸਤੇ ਵਿੱਚ ਕੋਈ ਆਰਜ਼ੀ ਉਸਾਰੀ ਜਾਂ ਲੈਂਡਸਕੇਪਿੰਗ ਦਾ ਕੰਮ ਨਾ ਚੱਲ ਰਿਹਾ ਹੋਵੇ
- ਮੀਟਰ ਦੇ ਅੱਗੇ ਕੋਈ ਰੁਕਾਵਟ ਨਾ ਹੋਵੇ, ਜਿਵੇਂ ਕਿ ਕੂੜੇ ਦੇ ਵੱਡੇ ਡੱਬੇ ਜਾਂ ਮਿੱਟੀ ਦਾ ਕੰਮ।
